www.comuneescalaplano.info/h7103

ASSENNIUS DE STÚDIU A FAVORI DE STUDIANTIS CAPASSUS E DE MERITU IN CUNDITZIONIS ECONÓMICAS DISCUMBENIOSAS - ANNU SCOLASTICU 2013/2014

In esecutzioni a sa deliberatzioni C.C. N. 22 DE SU 24/09/2013 est istituiu unu bandu de cuncursu po s'assenniatzioni de:

N. 20 Assènnius de stúdiu de Euro. 150,00 (interventus de is calis a s'art. 7 lett. h) L.R. 31/84) a benefítziu de studiantis, chi in s'annu scolàsticu 2013/2014 ant frecuentau s'úrtimu annu de sa Scola segundària de 1° gradu o una Scola segundària de 2° gradu, de sa classi 1ª a sa classi 4ª (foras de is chi ant frecuentau s'úrtimu annu), chi ant pigau una votatzioni mínima finali chi non siat prus pagu de 7 (po sa scola segundària de 1° gradu), e de 6,50 chentza dépidus formativus (po sa scola segundària de 2° gradu) chi fatzat parti de una família innui is cunditzions de su rédditu, funt paris o prus pagu a s'ISEE 18.000,00.

Podint pigai parti a is assenniatzionis is studiantis in possessu de is recuisidus chi sighint
1. Residéntzia in su Comunu de Scalepranu;
2. Airi frecuentau cun regularidadi is letzionis in s'annu scolàsticu 2013/2014 e oténnida sa promotzioni a sa classi devatu, est a nàrriri chi apant superau s'esàmini de acabbu de sa scola segundària de primu gradu;
3. Essiri iscritus a s'annu scolàsticu devatu (a.s. 2014/2015) a una scola segundària superiori;
4. No àiri benefitziau de atrus assénnius o bursas de stúdiu po s'annu scolàsticu de arriferimentu;
5. Chi fatzant parti de una família innui is cunditzionis de su rédditu familiari, siat paris o prus pagu a Isee 18.000,00;
6. Essiri stétius promóvius a s'annu devatu in su primu scrutíniu finali de làmpadas e sa média de votus inditada in pitzus;

Is assénnius de stúdiu, chi funt tropu is domandas ammissíbilis in raportu a su númuru de is assénnius postus a cuncursu, ant a èssiri assenniaus cunforma a una graduatória aposita formulada segundu is elementus de valutatzioni chi sighint:

MERITU SCOLASTICU
Otènnidu cun sa promotzioni a s'annu devatu e mèdia de votus cumenti sighit:

studiantis chi frecuentant sa scola segundària di primu gradu:
Giudítziu finali
7 Puntus 1
8 Puntus 2
9 Puntus 3
10 Puntus 4

Studiantis de sa scola segundària de segundu gradu giudítziu finali de làmpadas (chentza depidus formativus)
Mèdia matemàtica de is votus espressaus in centésimus, francu de su votu de conduta

de 6,50 Fintzas a 6,99 Puntus 1
de 7,00 Fintzas a 7,49 Puntus 2
de 7,50 Fintzas a 7,99 Puntus 3
de 8,00 Fintzas a 8,49 Puntus 4
de 8,50 Fintzas a 8,99 Puntus 5
de 9,00 Fintzas a 9,49 Puntus 6
de 9,50 Fintzas a 9,99 Puntus 7
10,00 Puntus 8

STUDIANTI CUN HANDICAP (cumprovau cun certificatzioni mèdica idònea): puntus 2

REDDITU FAMILIARI: cun arriferimentu a su RE'DDITU ISEE (D.Lgs.vo 31.03.1998, n. 109):
REDDITU ISEE (D.Lgs.vo 31.03.1998, n. 109)

De Euro A Euru
Zeru 4.500 PUNTUS 8
4501 9.000 PUNTUS 6
9.001 13.500 PUNTUS 4
13.501 18.000 PUNTUS 2
18.001 ESCLUSIONI DAE SU BENEFÍTZIU

- No at a èssiri assenniau prus de un'assénniu a família;
- Chi benint presentadas prus domandas de studiantis de sa pròpriu família, s'assènniu de stúdiu at a èssiri donau a su studianti chi at àiri pigau su puntu prus artu po su méritu scolàsticu (média de is votus prus arta).
- Chi bessint paris din su puntégiu duus o prus studiantis de sa coa de sa graduatória de su cuncursu, s'at a pratziri s'assénniu in partis ogualis tramesu is studiantis chi tenint oguali puntégiu cumpressivu in graduatória.

Su studianti chi pedit su benéfitziu at a èssiri cunsiderau cument'e parti de sa família autònomu sceti chi siat de edadi magiori, de su stadu de família anagràficu suu non arresurtit cunbiventi e siat in possessu de unu rèdditu cosa sua.

DOCUMENTATZIONI DE PRESENTAI:
Domanda in carta líbera, indiritzada a su Comunu e produida de chini esercitat sa podestadi de genitori de su studianti, o sutascrita de issu etotu chi est de edadi magiori, imperendu su módulu preparau de is ufitzius comunalis;
Atestatzioni I.S.E.E. 2014, rédditu 2013;
Po is studiantis chi frecuentant s'úrtimu annu de sa scola segundària de primu gradu: certificau de is cumpeténtzias o decraratzioni sostitutiva de certificatzioni, sutascrita de su babbu o de sa mama, cun sa votatzioni finali.
Po is studiantis chi frecuentant is scolas superioris, DE SA CLASSI 1^ A SA CLASSI 4^: certificatzioni de sa scola o decraratzioni sostitutiva de àutu notóriu, sutascrita de su babbu o de sa mama cun s'atestatzioni de promotzioni in su primu scrutíniu finali de làmpadas e s'indicatzioni spetzífica de is votus po dónnia matéria;
Eventuali certificatzioni médica chi cumprovat sa cundetzioni de portadori de handicap (arriferia a su studianti benefitziàriu);
Sa modulística e custu bandu podint èssiri averiguaus e scarrigaus in s'albu pretóriu informàticu in su situ istitutzionali de s'enti www.comune.escalaplano.ca.it.
IS DOMANDAS DEPINT ARRIBBAI A SU COMUNU AINTRU DE IS ORAS 12,00 DE CENABARA 26 DE CABUDANNI 2014