www.comuneescalaplano.info/h7103

Leggi l'avviso pubblico di partecipazione al progetto

Scarica il modello di domanda da presentare

LA DOMANDA DI PARTECIPAZIONE DOVRA' ESSERE PRESENTATA ALL'UFFICIO TRIBUTI O AL PROTOCOLLO DELL'ENTE, DEBITAMENTE COMPILATA, ENTRO IL 20.07.2016.


SI FAIT A SCIRI CHI A INCUMENTZAI DE SU 20.6.2016 S'AT A PODI PRESENTAI DOMANDA PO SA PARTECIPAI A IS PROGETUS PREDISPONNIUS DE SA LEI ART. 5 DE SU REGULAMENTU A PITZUS DE SU BARATU AMMINISTRATIVU IMPERENDI SU FOLLIU APOSITU UNIU A CUSTU AVISU

SIGHINT, IN CURTZU, IS PUNTUS PRUS IMPORTANTIS DE SU BARATU AMMINISTRATIVU:

1. APLICATZIONI DE SU BARATU AMMINISTRATIVU. Su "baratu amministrativu" benit aplicau, in modu volontàriu, a is citadinus chi tenint bulletas comunali sentza de pagai (bulletas de s'àliga, de s'ICI, de s'IMU e de sa TASI, siat chi non siat stètius iscritus a ruolu coativu, siat chi siant giai iscritus a ruolu coativu) fintzas a su 31 de su mesi de idas de s'annu a innantis a sa presentatzioni de sa domanda.
2. ATIVIDADIS DE UTILIDADI PUBBLICA PREVISTAS IN SU PROGETU. Is interventus ant a interessai sa netesa, sa manutentzioni, s'allichidimentu de su birdi pùbblicu e de is pratzas, est a nai interventus de decoru urbanu, de recùperu e reimpreu cun interessu comunu e, in generali, sa valorizatzioni de unu tretu de terrenu aintru o foras de sa bidda.
3. DESTINATARIUS DE SU BARATU AMMINISTRATIVU. Is destinatàrius de su "baratu amministrativu" funt is citadinus de prus de 18 annus e residentis, cun unu indicatori ISEE chi non siat prus artu de Euro 8.500,00 e chi tenint bulletas de su comunu sentza de pagai (comenti narau in su puntu 1). Chi su titulari de su dèpidu est unu bèciu o una personi malàida (disàbili), duncas chi non fait a treballai, at a podi mandai unu familiari cosa sua o parenti finas a su segundu gradu. A s'inìtziu s'ant a podi pagai cun su baratu amministrativu feti is dèpidus de duus annus. Poi, tenendi sa possibilidadi de pagai in dinai, at a essi possìbili a pagai fintzas is atrus dèpidus. Chi s'importu totali de is richiestat at a essi prus artu de cussu previdiu po su "Baratu amministrativu", s'at a fai una graduatòria po mori de favoressi is prus bisongiòsus, donendi su puntègiu segundu custa tabella:

Recuisitus Puntègiu
1. ISEE fintzas a Euro 2.000,00 4
2. ISEE fintzas a Euro 4.000,00 3
3. ISEE fintzas a Euro 6.000,00 2
4. ISEE fintzas a Euro 8.500,00 1

Custu puntègiu at a aumentai de unu puntu :
1. Chi unu o prus de is cumponentis de su nùcleu familiari tèngiat sa certificatzioni de handicap segundu a sa Lei 104/92;
2. Chi is personis chi bivint solas non tèngiant nisciunu agiudu de sa famìlia;
3. Chi is sugetus in graduatòria siant chentza treballu.

Capitendi de tenni su puntègiu uguali, s'at a donai sa precedèntzia a chini tenit s'ISEE prus bàsciu.
Chi a sa data de scadèntzia is domandas presentadas non lompint a s'importu a disponìbili po su "Baratu amministrativu", su chi abarrat at a essi postu po is atras domandas chi ant a arribai a in fatu, tenendi contu de s'òrdini de arribu (at a fai fidi sa data de su protocollu de su Comunu de Scalepranu, e po is domandas arribadas sa pròpia dia s'at a privilegiai is chi funt stètias integradas a manu po primu a s'ufìtziu comunali).
S'atividadi afidada a su richiedenti de su "baratu amministrativu", a parti su chi est prevìdiu de s'art. 6 de su regulamentu, non podit essi fata de nisciunu diversu de su richiedenti, chi non s'at a podi nimancu fai agiudai de nisciunu.
Chini non rispetat po tres bortas su calendàriu de is atividadis sentza unu motivu vàlidu o autorizatzioni de s'Ufìtziu incarrigau de controllai, at a benni bogau de su progetu sentza ddi contai su treballu fatu fintzas a cussu momentu.
4. OBLIGUS DE SU RICHIEDENTI. Is destinatàrius de su "baratu amministrativu" impignaus in is atividadis de su puntu 2 de custu avisu ant a irriciri de su comunu totu s'atrezadura po sa seguresa prevìdia de sa normativa de su setori. Su destinatàriu de su "baratu amministrativu" prestat s'òpera sua in modu volontàriu, de idea sua e sentza paga, comenti agiudu càmbiu (segundu una lògica de complementariedadi) e non a su postu de is operaius pùbblicus o chi funt cunventzionaus cun su comunu.
Su destinatàriu de su "baratu amministrativu" depit fai su treballu suu cun doveri "che a unu babbu de familìa bonu" e si depit cumportai beni e in modu addatu a s'incàrrigu chi dd'ant donau.
Prima de totu depit comunicai in deretura a su Responsàbili de su Servìtziu prepostu cali si siat càmbiu de oràriu o ausèntzia de su treballu.
5. REGISTRATZIONI DE IS ATIVIDADIS. In unu registru apòsitu ant a essi marcadas is gerronadas fatas, po mori de tenni su contu giustu de is oras de treballu fatas.
Bistu su caràtili sotziali de s'initziativa, is oras de treballu s'ant a podi fai fintzas in is dìs de festa, sempri pedendi su permissu a su responsàbili de s'Ufìtziu prepostu.
6. OBBLIGUS DE SU COMUNU IN IS CUNFRONTUS DE SU RICHIEDENTI. Su Comunu de Scalepranu at a donai totu is strumentus necessàrius po podi fai is atividadis, fintzas s'assiguratzioni.
SA DOMANDA PO PARTECIPAI TOCAT A DDA PRESENTAI A S'UFITZIU TRIBUTUS DE SU COMUNU, BENI CUMPILADA, INTRU SU 20 DE MESI DE ARGIOLAS 2016
Su responsàbili de su procedimentu est sa dot.ssa Graziella Prasciolu chi at a irriciri su pùbblicu in s'ufìtziu de is tributus de su Comunu LUNIS, MARTIS, GIOBIA E CENABARA de is 10.00 a is 12.00 e su MERCULIS de is 15.30 a is 17.30, o puru si podit chistionai telefonendi a su nùmeru 0709541025 e o scriendi a s'indirìtziu de posta eletrònica ufficiotributi@comune.escalaplano.ca.it.
SU RESPONSABILI DE SU SERVITZIU
DOTT.SSA FRANCESCA CAMBONI


Ligi s'àvisu

Scarriga sa domanda de presentai