www.comuneescalaplano.info/h7103

Regulamentu Cuncursu fotogràficu "LeggiAmo il Sarcidano"

Po chini est
Ant 'a podi pigai parti a su Cuncursu totu is chi ant lòmpiu 18 annus e chi siant scritus a una de is bibliotecas de is comunus de su Sistema Bibliotecàriu Sarcidanu-Barbàgia de Seulu (Scalepranu, Scroca, Geroni, Gergeri, Gèsturi, I'sili, Làconi Mandas, Nuragus, Nuradha, Arroli, Sàdili, Serri, Seui, Seulu).

Cumenti si fait po partetzipai
Onnia noa o atividadi chi pertocat su cuncursu at a essi fata cun sa posta eletrònica. In su situ ìnternet de su comunu de Isili www.comune.isili.ca.it is partetzipantis ant a agatai is istrutzionis po mandai sa fotografia.
Po partetzipai a su cuncursu non si pagat nudda. Onnia partetzipanti at a pòdi mandai feti una fotografia. Is immàginis depint essiri tiradas tra su 01/01/2016 e su 30/09/2016, dì de iscadèntzia de su cuncursu. Is immàginis si podint mandari a s'indirìtziu de posta eletrònica bibliosarcidano@gmail.com a incumentzai de su 15/07/2016.

Recuisitus
Is fotografias depint tenni custus recuisitus: A coloris o fintzas in biancu e nieddu; in formau JPEG, mannària po su ladu longu non prus de 2000 px, pesu non prus de 5 megabyte; rispetai su tema de su cuncursu: is fotografias depint tenni ita fai cun su tema de sa lixidura e de is librus; tenni su tìtulu, su nòmini de s'autori, su logu e sa dì o perìudu chi est stètia tirada, e depint interessai su tema de su tìtulu de su Cuncursu Fotogràficu "LeggiAmo il Sarcidano"; non funt amìtius fotomontàgius, espositzionis dòpias, nisciuna immàgini cumposta, interventus de modìfica digitali; si podint fai fintzas autoscatus; no ant a essi atzetadas is fotografias chi non currispundint a is recuisitus e chi non si podint pubblicai po ònnia motivu. S'Autori no at a podi tenni nisciuna pretesa de su Sistema Bibliotecàriu Sarcidanu Barbàgia de Seulu po sa pubblicatzioni o ammissioni de sa fotografia spedia.

Ita si "bincit"
A su primu classificau at a essi donau unu prèmiu de 300 èurus. Sa fotografia bincidora at a essi pubblicada in is pàginas Facebook de is bibliotecas de su Sistema Bibliotecàriu e impreada cumenti sinnalibrus, volantinus e atru materiali de promotzioni de is bibliotecas.

Tratamentu e impreu de is immàginis
S'autori at a donai a su Sistema Bibliotecàriu Sarcidanu Barbàgia de Seulu sa licèntzia chentza de pagamentu po sa pubblicatzioni de sa fotografia mandada, chentza lìmiti de tempus e de nùmeru de pubblicatzionis, chentza nisciuna pretesa de parti de personas tertzas, siat privaus, siat pùbblicus. Su Sistema Bibliotecàriu Sarcidanu Barbàgia de Seulu s'impinnat a scrìri su nòmini de s'autori in ònnia pubblicatzioni fintzas in su materiali pubblitzitàriu o de promotzioni. Onnia deretu de sfrutamentu cummertziali de sa fotografia mandada at a abarrai a s'autori.
S'autori, cun s'imbiu de sa foto e s'acetamentu de custu regulamentu, si pigat ònnia responsabilidadi po su chi pertocat su contenutu de su fotogramma inviau, narendi de ddu àiri fatu a manera legali chentza de violari nisciunu deretu prevìdiu e regulau dae su D.Lgs n. 196/2003 e nimancu de cali chi siat atru deretu de tertzu, pesendendi duncas a su Sistema Bibliotecàriu Sarcidanu Barbàgia de Seulu de ogna coseguèntzia chi benit dae domandas o pretesas o atzioni de cali chi siat autoridadi competenti po su chi pertocat sa pubblicatzioni, ispartzinamentu de sa fotografia ispedia po partetzipai a su Cuncursu fotogràficu e sa pubblicatzioni sua cun ogna mèdiu.

Acetatzioni de su regulamentu
S'imbiu de is fotografias, segundu is modalidadis inditadas in su paràgrafu "cumente si fait po partetzipai", cumportat s'acetatzioni integrali de custu regulamentu.

Compimentu de su cuncursu
FASI1
Totu is fotus arribadas a s'indirìtziu bibliosarcidano@gmail.com ritènnias vàlidas de sa giuria ant a pigai parte a s'atra fasi
FASI 2
Sa giuria at a esaminai cun atentu is fotus arribadas e at a narri su giudìtziu sù in basi a is critèriu sighentis: creatividadi, originalidadi, calidadi de sa fotografia, pertinèntzia cun su tema de su cuncursu.
Sa giuria at a essi formada de su Presidenti de su Sistema Bibliotecàriu Sarcidanu Barbàgia de Seulu o de unu delegadu cosa sua, de is bibliotecària/us chi treballant in su sistema e de su fotògrafu professionista Massimiliano Caria.
Su giudìtziu de sa giuria at a essi indiscutìbili.
FASI 3
At a essi intregau su prèmiu a s'autori de sa fotografia prima classificada chi at a essi pubblicada in su giassu ìnternet de su comunu de I'sili, enti cabufila de su Sistema Bibliotecàriu Sarcidanu Barbàgia de Seulu, in is pàginas de Facebook, e usada po su materiali pubblicitàriu de su Sistema Bibliotecàriu.