Cuncursu literàriu in língua sarda
Concorso letterario in lingua sarda -
LEGGI LA PAGINA IN ITALIANOBandu de Cuncursu - 5a editzioni
S'Aministratzioni de Scalepranu ghetat su bandu po sa de cincu editzionis de su cuncursu literàriu
"Poetendi e Contendi - Scalepranu in Poesia"A su Cuncursu podint pigai parti poetas e iscridoris cun òperas iscritas in calisisiat barianti de sa língua sarda.
Po pòdiri pigai parti a su Cuncursu no si pagat nudda, ma sa partecipatzioni cumportat s'arrispetu de totu is normas istabilias in su regolamentu.
Su Cuncursu est dividiu in duas setzionis:
- PRIMA SETZIONI: "Poesia" e "Prosa" in língua sarda - aberta a totus chentza límitis de edadi;
- SEGUNDA SETZIONI: "Poesia " e "Prosa" in língua sarda - arriservada a is istudentis de is iscolas primària, sigundària e superiori de Scalepranu.
Is òperas no depint èssiri mai istètias pubricadas ne premiadas in àterus cuncursus literàrius.
Si podit pigai parti a una setzioni isceti (cun una poesia o unu contu oghinò cun una poesia e unu contu, presentaus in duas bustas difarentis).
Po pigai parti a sa setzioni "Poesia" tocat a presentai una poesia a tema lìbberu, de no prus de 60 versus.
Po pigai parti a sa setzioni "Prosa" tocat a presentai unu contu o una "novella" de no prus de 10 pàginas.
Is cumponimentus depint èssiri arretulaus, iscritus cun su computer cumenti documentu word carateri times new roman 12, no depint èssiri firmaus, ma tocat a ddis ponni unu Dìciu o unu Paranòmini, ispedius o portaus, aintru de una busta serrada, a su Comunu aintru de sa dia istabbilia. Aintru de sa busta imparis a su cumponimentu (una copia), tocat a ponniri fintzas un'àtera busta serrada e chi no siat trasparenti, cun unu fòlliu cun sa firma de s'autori, su nòmini beru, s'indirizu, nùmùru de telèfunu, su paranòmini o su dìciu de s'opera presentada e in prus una decrarada innui s'autori impromit de arrispetai, de unu totu, su bandu de su cuncursu e ca su cumponimentu presentau est òpera cosa sua, ca no est istétiu mai pubricau in líburus o giornalis, ne mai premiau o sinnalau in àterus cuncursus. Po is cuncurrentis chi no ant cumpriu is dexot'annus, sa ischeda de partecipatzioni depit èssiri firmada de su babbu o de sa mama.
(SCARRIGA SU MÓDULU PO PARTECIPAI)In foras de sa busta tocat a iscriri a cali setzioni si bolit partecipai (Prosa o Poesia prima setzioni o setzioni arriservada a is istudentis de Scalepranu - Cuncursu leteràriu in língua sarda).
Is cumponimentus depint arribai a su Cumunu de Scalepranu a custu indirizu: "Cumunu de Scalepranu bia Sìndigu Giuanni Carta 18, 08043 Scalepranu". Ispedius po mesu de su serbìtziu postali o portaus in deretura a s'Ufìtziu de su Protocollo de su Cumunu aintru de su bintisesi de abrili de su 2013.
Is òperas ant a dèpiri èssiri mandadas, in prus de sa còpia imprentada cumenti eus giai nau, fintzas in formau digitali (floppy disk o CD ROM) aintru de sa pròpriu busta, oghinò podint èssiri mandadas cun sa posta eletrònica, a:
s'indirizu e-mail
poetendiecontendi@comune.escalaplano.ca.itsa e-mail depit portai po oggetu "òpera presentada a sa de cincu editzionis de su cuncursu literàriu in lìngua sarda".
Si precisat ca sa Cumissioni de su Cuncursu at a averiguai e a valutai, in forma anònima, isceti is òperas imprentadas.
A'terus documentus chi no funt de òbbrigu ma chi s'autori at a bòlliri mandai cumenti: fotografias o pinturas, informatzionis de sei etotu, glossàrius etc. depint èssiri aunius a sa versioni in formau digitali (floppy disk o CD ROM) o a sa e-mail de su cuncursu: poetendiecontendi@comune.escalaplano.ca.it
No ant a èssiri valutadas is òperas chi presentint in su fólliu cun su cumponimentu calisisiat sinnu, chi potzat fàiri cumprèndi chini est s'autori.
No ant a èssiri valutadas mancu is òperas chi ant a arribai a su Cumunu apustis de sa data istabbilia (su bintisesi de abrili de su 2013).
Cunfroma a cantu at istabiliu sa lei 1962003 e is modíficas sighentis, sa partecipatzioni a su cuncursu cumportat de parti de s'autori, s'autorizatzioni a su manixu de is datus personalis po totu su chi pertocat a su cuncursu. Po is chi no tenint ancora dexot'annus at a tènniri balori sa decrarada fata de su babbu o de sa mama.
PrémiusIs òperas ant a èssiri giudicadas de sa Giuria de su cuncursu chi a s'acabbu de is trabballus at a isceddai is primus tres classificaus po dónnia setzioni e at a sinnallai is chi funt arresultaus meritevulis. Sa Giuria at a pòdiri donai mentzionis ispecialis e at a tènniri sa facultadi de non donai unu o prus prémius chi no arriconnoscit òperas chi tengant balori. Su parri de sa Giuria no podit èssiri cuntestau.
Ant a èssiri premiaus is primus tres classificaus de dònnia setzioni
Is prémius de su cuncursu funt :
SETZIONI PRIMAAberta a totus chentza de límitis de edadi
a) Setzioni Poesia:- 1u prémiu Euro. 400,00
- 2u prémiu Euro. 200,00
- 3u prémiu Euro. 100,00
b) Setzioni Prosa:- 1u prémiu Euro. 400,00
- 2u prémiu Euro. 200,00
- 3u prémiu Euro. 100,00
SETZIONI SEGUNDAIstudentis de sa iscola primària, sigundària e superiori de Scalepranu
a) Setzioni Poesia:- 1u prémiu Euro. 150,00
- 2u prémiu Euro. 100,00
- 3u prémiu Euro. 50,00
b) Setzioni Prosa:- 1u prémiu Euro. 150,00
- 2u prémiu Euro. 100,00
- 3u prémiu Euro. 50,00
Is autoris premiaus ant a èssiri avvisaus luegus, e ddis at a èssiri comunicau su logu e s'ora de sa premiatzioni. Prémius e arriconnoscimentus ant a dépiri èssiri cunsenniaus in is manus de s'autori. Chi custu no est possibili, tocat a informai su Cumunu e sa Cumissioni de modu chi su prémiu potzat èssiri intregau a una persona autorizada cun dèlega de s'autori.
Su Cumunu non si pigat nisciuna arresponsabbilidadi po is prémius chi no ant èssiri arritiraus.
Is cumponimentus presentaus no ant a èssiri torraus a is autoris, e su Cumunu tenit sa facurtadi de ddus pubricai o de ddus imperai in calisisiat atividadi culturali.
Is autoris autorizant a su Cumunu de Scalepranu a pubricai is òperas in is formas e in is médius imperaus oindì, chentza chi ddis ispetit nisciuna arrecumpensa. Intamus, ónnia deretu de copyright de su cumponimentu abarrat a s'autori de s'òpera.
S'arregorta de is òperas at a èssiri a dispositzioni de totus in sa bilioteca comunali de Scalepranu. Is cumponimentus premiaus ant a èssiri pubricaus in su situ web:
www.comune.escalaplano.ca.itSa premiatzioni de su Cuncursu s'at a fàiri in s'aposentu de su Consillu Comunali de Scalepranu
in su mesi de làmpadas de su 2013.Ant a èssiri cumbidaus totu is chi ant pigau parti a su Cuncursu, is iscolas e totu is Scalebranesus. Apustis de sa presentada se is arrisultaus de su Prémiu literàriu, sa Giuria at a decrarai e a premiai is bincidoris, chi ant a pòdiri lìgiri is cumponimentus premiaus.
Totu sa documentatzioni e sa modulìstica chi serbit po partecipai a su cuncursu dd'agatais in custu situ.
NOVIDADISSa premiatzioni de su Cuncursu s'at a fàiri in s'àula de su Consillu Comunali de Scalepranu su 27 de argiolas de su 2013 - h. 18.30 - S'Amministratzioni cumbidat totus is chi ant a bòlliri pigai parti.
Ligi totu AVVISU DE SA PREMIATZIONIBincidoris de su cuncursu setzioni aberta a totus:
OPERAS PREMIADASSetzioni po is studentis de sa iscola de Scalepranu:
OPERAS PREMIADASSa presentada de is operas:
presentada de su Sindigu
isterrida de su Presidenti de sa Cumissioni de su Cuncursu
setzioni aberta a totus
IS POESIAS PREMIADAS
1u prémiu
2u prémiu
3u prémiu
IS CONTUS PREMIAUS
1u prémiu
2u prémiu
3u prémiu
DOCUMENTATZIONI DE SA 5ª EDITZIONI DE SU CONCURSUSCARRIGA SU MÓDULU PO PARTECIPAI A SU CUNCURSUCASTIA SU BANDU CUMPRETU DE SU CUNCURSUIs àteras editzionis INTRA A SA SETZIONI DEDICADA A SA PRIMA EDITZIONI DE SU CUNCURSUINTRA A SA SETZIONI DEDICADA A SA SEGUNDA EDITZIONI DE SU CUNCURSUINTRA A SA SETZIONI DEDICADA A SA DE TRES EDITZIONIS DE SU CUNCURSUINTRA A SA SETZIONI DEDICADA A SA DE CUATRU EDITZIONIS DE SU CUNCURSUPo dónnia informatzioni podeis iscriri a:COMUNA DE SCALEPRANU
bia Síndigu Giuanni Carta 18
08043 Scalepranu
Teléfunu 070.954101 - 070.9541030 - 070.9541033 fax 070.9541020
poetendiecontendi@comune.escalaplano.ca.itBIBLIOTECA COMUNALI DE SCALEPRANU
bia Santu Srebestianu, 1
08043 Scalepranu
Teléfunu 070.951205
biblioescalaplano@tiscali.it