Custa arregorta aciocat a pari totu is propostas presentadas cumenti de traballu de is duas cumissionis nomenadas de sa Regioni, ma arregollit fintzas cussas propostas presentadas de atérus sótzius chi traballant e istudiant po arribai a un'ortografia normalizada po totu su sardu.
Sa LSC est s'úrtima proposta isperimentali de imperai in essida po is documentus ufitzialis de sa Regioni.
Agatais puru sa
deliberatzioni apitzus de is normas de sa LSC.Is Lìnguas de is Sardus est sa
circa, a incuru de Anna Oppo fata impari cun is autoris: G. Lupinu, A. Mongili, R. Spiga, S. Perra, M. Valdes.
Circa sotziulinguìstica cumissionada de sa Regioni a s'Universidadi, chi s'informat de cumenti ant fatu sa circa e cali funt is arresultaus.
Sa limba Sarda Comuna e is bariedadis traditzionalis de su Sardu est su rapportu de acabbu a incuru de Robertu Bolognesi, unu de is istudiosus chi at pigau parti a s'ùrtima Cumissioni.
Sa LSU est sa proposta chi iat cuncodrau sa prima cumissioni incarrigada de sa Regioni in su 1988, ma chi no est istétia adotada cumenti de grafia ufitziali.
Sa Limba de Mesania e
is normas ortogràficas presentada de su Comitau "Abbia a unu sardu comunu" est istétia presentada e arrefudada, custa puru in sa de duas cumissionis.
Su Sardu de Totus est un'àtera proposta aparaciada de su "Comitau Sardu de Totus".
Impari a onniuna de is propostas agatais is normas ortogràficas de riferimentu.
Istúdius:
Cumpudu numéricu apitzus de sa LSC , est una tesi de ispecializatzioni fata du su Dott.ori Stévuni Cerchi, in s'annu académicu 2005-2006.
Su Documentu de is istudiantis asuba de sa língua standard est fatu aintru su Maistraxu de II gradu "Acostamentu interdisciplinàriu a sa didàttica de su sardu" in s'Universidadi de Casteddu, in su 2006.
TORRA A S' Ufítziu de sa Língua Sarda